A Fundación SGAE recibe o verán en Ourense coa celebración da lectura dramatizada de O chapeu do indixente
. Trátase dunha obra do dramaturgo, director, poeta e artista visual Julio Fernández Peláez
. Dirixe Tito Asorey, da compañía ilMaquinario Teatro, recentemente premiado nos María Casares polo seu traballo conPerplexoe coñecido tamén, na súa faceta interpretativa, pola súa participación na teleserie Serramoura (TVG).
A representación, organizada coa colaboración da Asociación de Actores e Actrices de Galicia (AAAG), celebrarase na Sala Vermella do Auditorio de Ourense, o 25 de xuño (20:00 horas), con entrada libre ata completar a capacidade.
Asorey dirixirá dous actores ben asociados á escena ourensá:
Melania Cruz, habitual en diversas producións de ilMaquinario Teatro e participante tamén no filme A esmorga, de Ignacio Vilar; e Alfonso Míguez, integrante da compañía ourensá Trécola Teatro e artífice da webserie P.I.B.
SÓ(LO) LETRAS 